Vedtekter
Vedtekter for Fredsinitiativet. Vedtatt på stiftingsmøtet 15. februar 2005. Vedtatt utan endringar på årsmøta i 2006, 2007, 2008, 2009 og 2010.
§ 1 Formålsparagraf
1.1 Fredsinitiativet er ein allianse av organisasjonar, lokale grupper og enkeltpersonar som arbeider for fred og mot åtakskrig, slik det er uttrykt i alliansens plattform.
§ 2 Tilslutning
2.1 Fredsinitiativet er ope for alle som sluttar seg til den politiske plattforma vedtatt av årsmøtet.
2.2 Organisasjonar tilsluttar seg ved å betala ein årleg kontingent. Kontingentsatsen er på 500 kr for organisasjonar med under 2000 medlemmer, 1000 kr for organisasjonar med 2000 – 10 000 medlemmer og 5000 kr for organisasjonar med over 10 000 medlemmer.
§ 3 Lokale grupper
3.1 Enkeltpersonar kan oppnå røysterett på årsmøtet og fellesmøtet gjennom å danna lokale grupper. Lokale grupper med minst 10 aktive medlemmer har krav på å bli representert på årsmøtet og fellesmøtet.
3.2 Styret godkjenner lokale grupper og kan dessutan gi fleire røyster til særleg store og aktive grupper enn det som er den fastsette grunnrepresentasjonen. Avgjerda kan endrast av fellesmøtet og årsmøtet.
§ 4 Årsmøtet
4.1 Årsmøtet blir arrangert ein gong i året og er ope for alle interesserte. 4.2 Årsmøtet er det høgaste organet i Fredsinitiativet. Vedtak gjort av årsmøtet har forrang for vedtak gjort av styret og fellesmøtet.
4.3 Årsmøtet vedtar den politiske plattforma, vedtektene og ein handlingsplan, godkjenner rekneskap og vel eit styre og ein valkomité til neste årsmøte.
4.4 Lokale grupper og organisasjonar med under 2000 medlemmer har to delegatar med tale-, forslags- og røysterett. Organisasjonar med 2000 – 4000 medlemmer har fire delegatar. Organisasjonar med over 4000 medlemmer har seks delegatar. Dersom fleire avdelingar av same organisasjon er tilslutta, gjeld denne representasjonen bare for ein av dei. Styret deltar på årsmøtet med tale- og forslagsrett. Inviterte gjestar og andre observatørar kan få talerett på årsmøtet.
4.5 Endringsforslag til politisk plattform og vedtekter, og forslag til handlingsplan og styre skal vera utsendt seinast 3 veker før årsmøtet.
§ 5 Fellesmøtet
5.1 Fellesmøtet blir innkalla av styret etter behov og kan gjera vedtak som er bindande for styret. Det skal også innkallast til fellesmøte dersom minst 1/3 av tilslutta organisasjonar og lokale grupper krev det.
5.2 Lokale grupper og organisasjonar med under 2000 medlemmer har ein delegat med tale- forslags- og røysterett. Organisasjonar med 2000 – 4000 medlemmer har to delegatar. Organisasjonar med over 4000 medlemmer har tre delegatar. Dersom fleire avdelingar av same organisasjon er tilslutta, gjeld denne representasjonen bare for ein av dei. Styret deltar også med røysterett på fellesmøtet. Andre deltakarar på møtet har tale- og forslagsrett.
§ 6 Styret
6.1 Årsmøtet vel eit styre på mellom 7 og 11 personar. Årsmøtet kan velja leiar og andre posisjonar i styret særskilt, eller styret kan få fullmakt til å konstituera seg sjølv. Styret blir valt for eitt år om gongen.
6.2 Alle som sluttar seg til plattforma kan veljast til styret. Det er eit mål å ha brei politisk representasjon i styret.
6.3 Styret leier arbeidet i Fredsinitiativet og kan uttala seg på vegner av Fredsinitiativet. Styret har ansvar for å senda ut eit nyhendebrev til alle abonnentar, godkjenna lokale grupper og førebu årsmøte og fellesmøte. 6.4 For at vedtak i styret skal vera gyldige, må meir enn halvparten av styremedlemmene vera til stades.
6.5 Styret har ansvaret for den økonomiske drifta av Fredsinitiativet.
